Tammurriata - Alli Uno...alli Uno(57 visits)

Alli uno alli uno
'a tre ghiuorne sto diuno
alli duie alli duie
meglio a te ca a uno 'e nuie
alli tre alli tre
vienetenne 'mbraccio a me
alli quatto alli quatto
mò t''o dongo e mò t''o schiatto
alli cinche alli cinche
trasetenne 'a part''e dinto
alli sei alli sei
datemelle 'e robbe meie
alli sette alli sette
'o tuppo 'e mammeta 'int''o vasetto
alli otto alli otto
baccalà cu 'a carna cotta.

'Nu juorno me jucaie palle e palluccie
rint'a 'nu vecariello stritto e lungo
s'affaccia 'a signurella a lu palazzo
«Chi ha fatto 'o meglio sei ca saglie 'ncoppa»
sagliette 'ncoppa e la porta abbarrata
e arreto pe' sepponta 'na pagliuta
trasette 'a rinto a lu lietto apparato
ué ué cuscin''e seta manto 'e velluto
a tiempo a tiempo ce sagliette 'o frato
«Tu faccia reggialluta che ffaie lloco»
«Soreta m'ha chiammato e io aggio venuto
soreta è 'na vaiassa e tu curnuto»

Quanto sì bella dammene 'nu poco
uh chello ca tiene è bello
'o tricchitracco 'int''a vunnella
Uh chello ca tiene aréa
'o cavero 'nfoca 'a penta mea
tu t'arrefrische io m'arrecreo
'o campanaro scampanea
e Mariagrazia pure se recrea
e se recréa a ll'uno
tu te gratte a me me prure
è meglio a te ca a uno 'e nuje
e 'ncopp''a prevula pure 'o tiene l'uva
e nce 'o tiene a bbia a bbia
fosse festa ogni matina
si tenesse che magnà
io nun vulesse faticà
chi tene 'a figlia e nun m''a da
uh se pozza 'nfracetà
comm'a 'na scella 'e baccalà
uie e baccalà e ll'uno
tu te gratte a me me prure
è meglio a te ca a uno e nuje
stammo cavere tutt'e dduie
chello ca tiene tu tengo io pure
e nce 'o tengo io pure 'a jaccio
e vire che suonno me nce faccio
ih che suonno me nce faccio
c''o per'a laccio

Uh io aggio saputo ca ddoie sore site
e mai rint'a unu letto ve cuccate
Io voglio durmire 'na notte cu voi
e quanno durmite è bello
'o tricchitracco 'int''a vunnella
'o masculillo e 'a femmenella
e viene accà quanto sì bella
e quanno durmite che penziero fate
e faccio 'o penziero ca dormo cu vuie
e m'avoto e giro aréa
'o cavero 'nfoca 'a penta mea
e m'avoto e giro e nun te trovo maie

'Ncopp''o pont''e Matalune
llà nce stanno lampiune
'e lampiune 'e llampetelle
'o tricchitracco'int''a vunnella
'o piglio 'mmano 'o poso 'nterra
'o faccio fà Pulecenella.













------------------------------------

Add new lyrics!!! | Add to favorites | Corect this lyrics | Request lyrics